18-noyabr Davlat bayrog’i qabul qilingan kun munosabati bilan «Muqaddasdir Vatan bayrog’i» shiori ostida bayram tadbiri tashkil etildi

Halima Xudoyberdiyeva nomidagi ijod maktabida 18-noyabr Davlat bayrog’i qabul qilingan kun munosabati bilan «Muqaddasdir Vatan bayrog’i» shiori ostida bayram tadbiri tashkil etildi.

Tadbirda ijod maktabi direktori P.Axmedjanova Davlat bayrog’i va uning qadr-qimmati to’g’risida nutq so’zladilar hamda barchaga o’zining samimiy tabriklarini yo’lladilar.

Shuningdek, ijod maktabining 10-11-sinf o’quvchilari o’rtasida Yurt bayrog’i ostida saf mashqlari tanlovi o’tkazildi.

Shu bilan bir qatorda, 7-sinf o’quvchilari tomonidan o’z ijodlariga mansub Vatan va yurt bayrog’ini madh etuvchi she’rlar ijro etildi.

» Bayrog’ing boshingda hilpirar» qo’shig’i sadosi ostida
8-9-sinf o’quvchilari tomonidan tantanali harbiy harakatlar namoyishi tadbirga ko’tarinki ruh baxsh etdi.

Tadbir so’ngida Halima Xudoyberdiyevaning «Yurt bayrog’i» she’ri o’quvchilar jo’rligida ijro etildi.