Materiallıq-texnikalıq baza:

Mektep 216 orınǵa mólsherlengen bolıp, 13 pán, informatika hám málimleme texnologiyaları, ximiya-biologiya, fizika laboratoriyası, robototexnika xanaları hám radistudiyalar bar bolıp, zamanagóy ásbap-úskene hám MKT menen támiyinlengen.

Dóretiwshilik mektebi 160 orınlıq jataqxana, barlıq qolaylıqlarǵa iye 12x24 ólshemdegi sport zal hám 100 orınlıq asxana menen májilisler zalı, 100 orınlı asxanaǵa iye.

Pedagog kadrlar:

Mektepte jámi 30 tiykarǵı hám 3 saatbay muǵallim jumıs alıp barmaqta. Sonnan, 13 joqarı kategoriyalı, 10 birinshi kategoriyalı, 7 ekinshi kategoriyalı.

Búgingi kúnde 10 qaraqalpaq tili hám ádebiyatı páni muǵallimi, 1 ózbek tili, 1 tariyx hám 1 inglis tili páni muǵallimlerinde qánigelik pánleri boyınsha milliy sertifikat, 3 inglis tili, 1 qaraqalpaq tili hám ádebiyatı páni hám 1 rus tili páni muǵalliminde shet tilin biliw dárejesi haqqında xalıqaralıq sertifikatqa iye. 1 qaraqalpaq tili hám ádebiyatı páni oqıtıwshısı PhD dárejesin qolǵa kirgizdi.

Pitkeriwshiler:

2023-2024-oqıw jılında jámi 35 pitkeriwshi boldı hám 100 payız Joqarı oqıw orınlarına kiriwi támiyinlendi. Sonnan: 11 pitkeriwshi grant tiykarında, 16 pitkeriwshi shártnama tiykarında, 3 pitkeriwshi arnawlı kvotalar, 4 pitkeriwshi PQ-5188-sanlı qarar tiykarında oqıwǵa tartıldı. Sonday-aq, 1 pitkeriwshi Koreya Respublikasındaǵı JOOna oqıwǵa kirdi hám ulıwma JOOna kiriw ushın toplaǵan ortasha ball 130,78 di quradı.

Pánler olimpiadasındaǵı nátiyjeler:

Usı jılı pánler olimpiadasınıń III Respublikalıq basqıshında qatnasqan 3 oqıwshımız qaraqalpaq tili hám ádebiyatı páninen 1-orındı, 2 oqıwshımız 2-orındı hám informatika páninen 1 oqıwshımız 3-orındı qolǵa kirgizdi.

Tańlawlar:

• "Jas kitapqumar - 2024: Tańlawda qatnasıw ushın 30 dan aslam oqıwshı dizimnen ótti hám Qaraqalpaqstan Respublikası basqıshına 10-14 jas kategoriyasında qatnasqan Kallibekova Mafruza 3-orındı iyeledi.
• 2025-jıl 11-fevral kúni Agentliktiń Qaraqalpaqstan Respublikasında jaylasqan mektep oqıwshıları arasında bolıp ótken "Turan jolbarısları" áskeriy-sport jarısınıń Qaraqalpaqstan Respublikalıq basqıshında mektebimizdiń "Lashınlar" komandası 1-orındı ieledi hám Ózbekstan Respublikası basqıshında múnásip qatnastı.
• 2025-jıldıń 25-26-mart kúnleri Prezident, dóretiwshilik, qánigelestirilgen mektep hám mektep-internatlardıń teatr toparlarınıń qatnasıwında ótkerilgen teatr tańlawınıń Respublikalıq basqıshında Agentlik sistemasındaǵı 5 dóretiwshilik mektebinde shólkemlestirilgen "Zamin Creative" inklyuziv dóretiwshilik toparları arasında tańlawda mektebimiz oqıwshıları "Terbenbes júrekler" spektakli menen qatnasıp 1-orındı iyeledi hám shet elge tálim sayaxatın qolǵa kirgizdi.

Dóretiwshilik jumıslar:

• 2024-jılı Agentlik tárepinen hár jılı basıp shıǵarılıp kiyatırǵan "Dóretiwshilik baǵınan gúldáste" atamasındaǵı toplamda 12 qábiletli oqıwshılarımızdıń;
• "Meniń birinshi kitabım" joybarı sheńberinde 9-klass oqıwshısı Biysenbaeva Nurdananıń 1-kitabı;
• 2024-jıl sentyabr ayında mektebimizdiń 40 tan aslam qábiletli, dóretiwshi oqıwshılarınıń qosıqları, gúrrińleri hám awdarmaları jámlengen "Ilham bulaǵı" dep atalǵan dóretiwshilik toplam baspadan shıqtı.