Yangiliklar
Maktab hayotidan so‘nggi yangiliklar
Muhammad Yusuf nomidagi ijod maktabida O‘zbekiston xalq shoiri Muhammad Yusuf tavalludining 72 yilligi munosabati bilan badiiy-ma’rifiy tadbir o‘tkazildi.
Muhammad Yusuf nomidagi ijod maktabida O‘zbekiston xalq shoiri Muhammad Yusuf tavalludining 72 yilligi munosabati bilan badiiy-ma’rifiy tadbir o‘tkazildi. Tadbir davomida o‘quvchilar tomonidan shoir she’rlaridan namunalar ifodali o‘qildi, sahna ko‘rinishlari namoyish etildi hamda uning hayoti va ijodi haqida qiziqarli ma’lumotlar berildi. Ayniqsa, yosh ijodkorlarning shoir ijodiga bo‘lgan mehr va qiziqishi barchada iliq taassurot qoldirdi. Tadbirda ijod maktabi direktori Shoxistaxon Nurmatova ishtirok etib, Muhammad Yusuf ijodining bugungi yoshlar tarbiyasidagi o‘rni va ahamiyati haqida so‘z yuritdi. Shuningdek, u o‘quvchilarni shoir asarlarini chuqur o‘rganishga, ona Vatanga muhabbat ruhida ijod qilishga undadi. Xonandalar tomonidan shoir satrlari asosida yaratilgan kuy-qo‘shiqlar ijro etilib, yig‘ilganlarga ko‘tarinki kayfiyat ulashildi. Ushbu chiqishlar orqali Muhammad Yusuf she’riyatining ohangdorligi va yurakka yaqinligi yana bir bor namoyon bo‘ldi.
Ixtisoslashtirilgan taʼlim muassasalari agentligi tizimidagi Prezident, ijod hamda ixtisoslashtirilgan maktablarning “Vatan tayanchi” bolalar va oʻsmirlar vatanparvarlik harakatiga aʼzo oʻquvchilari oʻrtasida tashkil etilgan “Turon yo‘lbarslari” harbiy-sport musobaqasining Respublika bosqichida Muhammad Yusuf nomidagi ijod maktabining "Sohibqiron" jamoasi faxrli ikkinchi o‘rinni egalladi. Muhammad Yusuf nomidagi ijod maktabi jamoasi ijod maktabining CHQBT rahbari Furqatbek Hojimatov hamda "Sohibqiron" jamoasini ushbu mukofot bilan samimiy muborakbod etamiz.
Ixtisoslashtirilgan taʼlim muassasalari agentligi tizimidagi Prezident, ijod hamda ixtisoslashtirilgan maktablarning “Vatan tayanchi” bolalar va oʻsmirlar vatanparvarlik harakatiga aʼzo oʻquvchilari oʻrtasida tashkil etilgan “Turon yo‘lbarslari” harbiy-sport musobaqasining Respublika bosqichida Muhammad Yusuf nomidagi ijod maktabining "Sohibqiron" jamoasi faxrli ikkinchi o‘rinni egalladi. Muhammad Yusuf nomidagi ijod maktabi jamoasi ijod maktabining CHQBT rahbari Furqatbek Hojimatov hamda "Sohibqiron" jamoasini ushbu mukofot bilan samimiy muborakbod etamiz.
Muhammad Yusuf nomidagi ijod maktabida O‘zbekiston xalq shoiri Muhammad Yusuf tavalludining 72 yilligi munosabati bilan “So‘zga jon bergan shoir” nomli olov alangasi bag‘rida kechki mushoira o‘tkazildi.
Mazkur adabiy kechada maktabning iqtidorli o‘quvchilari va ustozlari ishtirok etib, shoir ijodidan namunalar o‘qildi, uning Vatanga, muhabbatga va insoniy tuyg‘ularga yo‘g‘rilgan she’rlari yod etildi. Gulxan alangasi atrofida yangragan she’rlar ishtirokchilarga o‘zgacha ruh bag‘ishladi. 🔹Tadbir davomida yosh ijodkorlar tomonidan yangi she’rlar ham taqdim etilib, ular orqali Muhammad Yusuf ijodining davomchilari yetishib chiqayotgani namoyon bo‘ldi.
Ixtisoslashtirilgan ta'lim muassasalari agentligi tizimidagi Muhammad Yusuf nomidagi ijod maktabida navbatdagi "Ochiq eshiklar" kuni o‘tkazildi.
Bo‘lib o‘tgan ochiq eshiklar kunida viloyatimizning barcha tuman va shahraridagi umumiy o‘rta ta'lim maktablarining 6-sinf o‘quvchilari ishtirok etib, Muhammad Yusuf nomidagi ijod maktabining hayoti bilan yaqindan tanishish bilan birga o‘tgan o‘quv yilida erishilgan natijalar, ta'lim tizimi va o'qitish metodikasi, o‘quvchilar uchun yaratilgan shart-sharoitlar, yotoqxona va turli to‘garak mashg‘ulotlari haqida yetarlicha ma'lumotlarga ega bo‘lishdi.
Ixtisoslashtirilgan ta’lim muassasalari agentligi tashabbusi bilan yo‘lga qo‘yilgan o‘quvchilar almashinuvi dasturi doirasida Muhammad Yusuf nomidagi ijod maktabida mehmon bo‘lib turgan Hamid Olimjon va Zulfiya nomidagi ijod maktabi o‘quvchilari Qo‘qon shahriga sayohat uyushtirdi.
Sayohat davomida o‘quvchilar Xudoyorxon o‘rdasi, Norbutabiy madrasasi maqbarasi kabi tarixiy va me’moriy obidalar bilan yaqindan tanishib, ularning boy tarixi hamda milliy merosimizdagi o‘rni haqida batafsil ma’lumotlarga ega bo‘ldilar. 🔸Mazkur sayohat yoshlarning tarixga bo‘lgan qiziqishini oshirish, milliy qadriyatlarga hurmat ruhida tarbiyalash hamda ular o‘rtasida do‘stona aloqalarni yanada mustahkamlashga xizmat qildi.
Muhammad Yusuf nomidagi ijod maktabida Muhammad Yusuf tavalludining 72 yilligi munosabati bilan mazmunli ma’naviy-ma’rifiy tadbir tashkil etildi.
Mazkur tadbir doirasida maktabning ingliz tili o‘qituvchisi Abduvaqqos Karimqulov hamda Umidaxon Madibekovalar tashabbusi bilan o‘quvchilar o‘rtasida ingliz tilida “Zakovat” intellektual o‘yini (quiz) o‘tkazildi. 🔹Bellashuv davomida ishtirokchilar shoirning hayoti va ijodi, adabiy merosi, shuningdek, umumiy bilim va mantiqiy fikrlashga oid savollar asosida o‘z bilimlarini sinovdan o‘tkazdilar. Savollarning ingliz tilida berilgani o‘quvchilarning nafaqat bilim saviyasini, balki xorijiy til ko‘nikmalarini ham namoyon etishiga xizmat qildi.
O‘quvchilar almashinuvi
O‘quvchilar almashinuvi ♻️ Ixtisoslashtirilgan ta'lim muassasalari agentligi tomonidan amalga oshirilayotgan ijod maktablari o‘quvchilari almashinuvi dasturi doirasida Muhammad Yusuf nomidagi ijod maktabida mehmon bo‘lib turgan Jizzax viloyatidagi Hamid Olimjon va Zulfiya nomidagi ijod maktabi o‘quvchilari Andijon shahridagi “Eco bog‘” ko‘ngilochar maskanida mazmunli hordiq chiqardilar. 🌿 Sayohat davomida o‘quvchilar tabiat qo‘ynida dam olib, o‘zaro muloqot qilish, yangi do‘stlar orttirish va unutilmas taassurotlarga ega bo‘lish imkoniyatiga ega bo‘ldilar.
Ogahiy ijod maktabining navbatdagi ulkan yutug‘i!
Maktabimizning 11-sinf o‘quvchisi Bardiyeva Umida Koreyaning nufuzli oliy ta’lim muassasalaridan biri bo‘lgan Inha universitetiga 100 foizlik grant asosida o‘qishga qabul qilindi.
Muhammad Yusuf nomidagi ijod maktabi tarbiyachi-pedagogi Ziyoda Ahmedova tomonidan 9-“B” sinf o‘quvchilari ishtirokida buyuk sarkarda Amir Temur tavalludining 690 yilligi munosabati bilan “Amir Temur siymosiga tarix va madaniyat nuqtai nazaridan qarashlar” mavzusida ma’naviyat soati tashkil etildi.
Muhammad Yusuf nomidagi ijod maktabi tarbiyachi-pedagogi Ziyoda Ahmedova tomonidan 9-“B” sinf o‘quvchilari ishtirokida buyuk sarkarda Amir Temur tavalludining 690 yilligi munosabati bilan “Amir Temur siymosiga tarix va madaniyat nuqtai nazaridan qarashlar” mavzusida ma’naviyat soati tashkil etildi.