“Mitti jilg‘alar” bayoz taqdimoti

Muhammad Yusuf nomidagi ijod maktabida “Mitti jilg‘alar” nomli bayoz taqdimoti bo‘lib o‘tdi. Taqdimotda O‘zbekiston Yozuvchilar uyushmasi a'zolari, ijod maktabi o‘qituvchi va o‘quvchilari hamda ijodkor o‘quvchilarning ota-onalari ishtirok etdi.

🔹Mazkur bayoz ijod maktabining o‘quvchilari Mubina Sharipova, Mushtariy Toxirova hamda Buoisha Zokirjonovalarning ijodiy ishlari namunalari asosida tuzilgan she'rlar bayozi bo‘lib, unda yosh ijodkorlarning so‘z san’atiga bo‘lgan mehrlari, orzu-intilishlari va qalb kechinmalari o‘z ifodasini topgan.

🔹Tadbirga Muhammad Yusuf nomidagi ijod maktabi direktori Shoxistaxon Nurmatova ishtirok etib, yosh ijodkorlarga samimiy tilaklar bildirdi hamda ularning kelgusidagi ijodiy izlanishlariga muvaffaqiyat tiladi.

🔹Taqdimot davomida o‘quvchilar o‘z asarlaridan parchalar o‘qib berdilar, ustozlar esa ularning badiiy mahorati, so‘z boyligi va fikr teranligiga yuqori baho berdilar.