Muhammad Yusuf nomidagi ijod maktabida O‘zbekiston Respublikasi Prezidentining 2026-yil 15-yanvardagi PQ–9-son qarori ijrosini ta’minlash maqsadida sinf xonalarda, maktab yo‘laklarida “Kitob burchaglari” tashkil etildi.

Mazkur kitob burchagi o‘quvchilarda kitobxonlik madaniyatini yuksaltirish, ularning bo‘sh vaqtlarini mazmunli tashkil etish hamda badiiy, ilmiy-ommabop va ma’naviy-ma’rifiy adabiyotlarga bo‘lgan qiziqishini oshirishga xizmat qiladi. Kitob burchagiga turli janrdagi adabiyotlar jamlanib, o‘quvchilarga muntazam ravishda foydalanish imkoniyati yaratildi.

🔹Ijod maktabida kitobxonlikni keng targ‘ib etish, yosh avlodni mutolaa madaniyatiga jalb etish bo‘yicha tizimli ishlar davom ettirilmoqda.