Dóretiwshilik imtixan

2025-jıldıń 1-20-iyun kúnleri my.gov.uz hám de ariza.piima.uz saytları arqalı I.YUsupov atındaǵı dóretiwshilik mektebinde oqıw tilegin bildirgen jámi 479 talabannıń, sonnan, 7-klasqa 308, 8-klasqa 112 hám 9-klasqa 59 talaban oqıwshılardıń hújjetleri qabıllandı. 

Joqarıdaǵı buyrıqtıń 1-qosımshası menen tastıyıqlanǵan dóretiwshilik mektepleriniń qabıllaw kvotası belgilengen bolıp, I.Yusupov atındaǵı dóretiwshilik mektebine 2025-2026-oqıw jılı ushın jańadan ashılatuǵın 7-klasqa 40 oqıwshı, bos oqıwshı orınları ushın 8-klasqa 6 oqıwshı, 9-klasqa 6 oqıwshıdan qabıllanıwı belgilengen. 

Búgingi kúnde hújjet tapsırǵan talaban oqıwshılar ushın imtixanlar baslandı, yaǵnıy, 30-iyun kúni qabıllawdıń 1-basqıshı baslanǵan bolsa, 2-4-iyul kúnleri 2-basqıshı ótkeriledi. Imtixanlar tiykarınan tómendegi basqıshlarda ámelge asırıladı hám tolıq videogúzetiw baqlawında ótkeriledi: 

1-basqısh: dóretiwshilik tekst jaratıw – 50 ball;

2-basqısh: dóretiwshilik sáwbet - 50 ball;

3-basqısh: test sınaǵı – 83 ball (ana tili hám ádebiyatı páninen 20 test, ingliz tilinen 15 test hám oylaw qábiletin biliw dárejesine baylanıslı 15 test). 

Imtixanda oqıwshılar ruchka, qaǵaz hám ishimlik suwları menen támiyinlengen bolıp, artıqsha buyımlar alıp kiriliwine jol qoyılmaydı. Sonıń menen bir qatarda ata-analar ushın sayamanlar orınlar, ishimlik suwları menen támiyinlengen bolıp, perzentleriniń imtixanların tuwrıdan tuwrı gúzetip barıwları ushın arnawlı siltemeler berilgen.